إلى أمي الحبيبة
بسم الله ابتديت كلامي بالواحد الحكيم
رفعت يدي لي مالك الخزاين الغني وكريم
حامداه الإله صاحب النِعم الجليل ورحيم
حاشاه ما برد سائل بابه مفتوح للغني ويتيم
....... ........ ........
أمي الحبيبة أم صدراً رحيب
قلبك كبير والرافة في يديك
........
ساهرتي وتعبتي معانا من نحن
صغار شفنا الصبر في عينيك
.......
علمتينا الكتير وناس الجامعة
لو عرفوك يجوا يتعلموا على يديك
.......
أصلو الدنيا كلها مدرسة وطيب العشرة
منهج وهو مأصل فيك
.............
شهدوا ليك الجيران والحبان العدو
والصليح كلهم احباب ليك
..............
لسانك ما غلط على زول
كريمة وعفيفة ونحن نشهد ليك
...........
*************
سآلاه الكريم في طاعته يطول
عمرك ويبارك فيك
.......
يزيدك ويديك ومن فضله العظيم يغنيك
يجعل نفسك مطمئنة وبي قضاه دايما يرضيك
..........
يكتب ليك القبول في خلقه
ويحبب الصالحين فيك
************
ولما يحين الاجل تجي ملايكة الرحمة تتولاك
.........
تفوتي الدنيا لاحزنانة لا ندمانة
عشان خليتي ولد صالح بيدعي وراك
**************
غسولك يبقى من زمزم حنوطك يبقى بالكافور
.........
يصلي عليكِ من خلقه كل تقي صالح ووقور
..........
تلقي القبر بي حنان مشتاق ليكِ فرحان مسرور
........
ولما يجوك الملكين تقومي مطمئنة
حامدة الشكور وصبور
.......
تفوزي في سؤالم ليك يفتحوا
ليك طاقة من جنة الحبور
.........
تجيك النسمة بااااردة وحلوة
معطرة بي أحلى العطور
..........
وبعد ما ينفخوا التانية تتلقاك
ملايكة الرحمة بالبشرى والسرور
*************
يودوك علي الجنة طوالي تلقي
نفسك مع اول الداخلين
.........
تنجي من ام سعير وزفير
البتحرق قلوب المشركين
.......
تعيشي في الجنة مع زوجك
تلقي هناك أهلك جناك والوالدين
........
يتم الكريم عليكِ رضاه وبي
شوفته تبقي فيها من الخالدين
ليست هناك تعليقات:
إرسال تعليق