نصيحة ليك
يا خوي سلام عليك ومن اختك نصيحة ليك
في البداية غيِّر اسمك أصلو ما خايل عليك
إنت راجل أخو الرجال والشينة ما منسوبة ليك
حقو تختار منّو الأصيل عشان هو دليل عليك
والشَعر مالو كدي نُصو حقك والتاني ما تبع ليك
ما تبقى قِرِد تحاكي .. ومخالف لي سنة نبيك
شيلو كله ولىّ خليو مهذب .. كله محسوب عليك
لِبسك العليك.. ده دحين ما غريب !! وضيق عليك!!
وكمان مِربي الضفور!! خايف كديس يهجم عليك!؟
البنطلون أرفعه من التراب.. في النار التحت كعبيك
واليوم كله جوالك فاتح .. والسماعة ديما في اضنيك
طربان وتسمع في مزامير الفسق !!! وحالف عليك
وماشي متبختر كده !!... كأن ما في شي هاميك
كل خطوة تمشيها من خطواتك المكتوبة عليك
أعمل حسابك لابد تصل جنة نعيم .. ولىّ ناراً تأويك
وما تعاكس بنات الناس .. ما بترضاه لو عملوه ليك
وزي ما قال الحديث .. كما تدين تدان يعني مستنيك
كان في أهلك .... أو في جناك البعدين .. بنقسم ليك
شُفتَ كيف مافي شي سايب .. وربك هناك ما بخليك
كله محفوظ الكتير والقليل .. في الميزان يختوه ليك
جسمك كله يتكلم سمعك عينيك حتى جلدك يشهد عليك
تلقاه كله مكتوب ..الونسة الدُقاقة.. الكلام الكان مسليك
صاحبك الكان في الضلالة أخوك الليلة يبقى عدو ليك
يتبرى منك ما داير يشوفك ندمان علي اليوم اللماه فيك
اللحظة الكانت سبب الشقاوة.. من ساعة السيجارة ديك
لأنها كانت هي البداية .. القلت بتسعدك .. وتفرِق عليك
** ** ** ** **
خلاص نحن لِسة فيها.. أرجع وتوب .. ربك كريم بهديك
كلامي ده ما تاباه تب .. عارفاه هسي تقيل عليك
والمثل بقول خلي البضحككك ... واسمع كلام ببكيك
أصلي من غضبه خايف عليك .. ومُنايَ يرضى عليك
** ** ** ** ** **
لابد يجي يوم نهايتك .. وتموت .. واهلك يبكوا عليك
يشيلوك علي اكتافم ... لي بيتك .. الهناك مستنيك
يجهزوا الطوب والتراب .... ولي قبرك يحفروا ليك
وانت قِدامم ممدد لا مسكول .. ولا رسالة تجيك
وراك واقفين صفوف .. السارح ... والقلبو عليك
واحدين بالدنيا مشغولين .. وواحدين يدعو ليك
ويدخلوك بيتك ... وبالكواريق يكبوا التراب عليك
ويجوك الملكين .. بعد ما ينفخ الحق روحك فيك
يسألوك من ربك .. ودينك .. ومن الشفيع .. نبيك
عاد ولىّ ضااااق .. وضلّم عليك.. ولّى وسعوه ليك
أصلو إما روضةً باردة ... ولّى ناراً تشوي فيك
تقول أريتني رجعتَ لي الدنيا ... أصلِّح غلطاتي ديك
تراكَ لِسة في الدنيا ... وكل يوم بتصبح .. فرصة ليك
ما تكون مِكابر ويغشك اللعين .. أسمع نصيحتي ليك
عشان ربك يهديك وتنجى من عذابه ونبيك يشفع ليك
في البداية غيِّر اسمك أصلو ما خايل عليك
إنت راجل أخو الرجال والشينة ما منسوبة ليك
حقو تختار منّو الأصيل عشان هو دليل عليك
والشَعر مالو كدي نُصو حقك والتاني ما تبع ليك
ما تبقى قِرِد تحاكي .. ومخالف لي سنة نبيك
شيلو كله ولىّ خليو مهذب .. كله محسوب عليك
لِبسك العليك.. ده دحين ما غريب !! وضيق عليك!!
وكمان مِربي الضفور!! خايف كديس يهجم عليك!؟
البنطلون أرفعه من التراب.. في النار التحت كعبيك
واليوم كله جوالك فاتح .. والسماعة ديما في اضنيك
طربان وتسمع في مزامير الفسق !!! وحالف عليك
وماشي متبختر كده !!... كأن ما في شي هاميك
كل خطوة تمشيها من خطواتك المكتوبة عليك
أعمل حسابك لابد تصل جنة نعيم .. ولىّ ناراً تأويك
وما تعاكس بنات الناس .. ما بترضاه لو عملوه ليك
وزي ما قال الحديث .. كما تدين تدان يعني مستنيك
كان في أهلك .... أو في جناك البعدين .. بنقسم ليك
شُفتَ كيف مافي شي سايب .. وربك هناك ما بخليك
كله محفوظ الكتير والقليل .. في الميزان يختوه ليك
جسمك كله يتكلم سمعك عينيك حتى جلدك يشهد عليك
تلقاه كله مكتوب ..الونسة الدُقاقة.. الكلام الكان مسليك
صاحبك الكان في الضلالة أخوك الليلة يبقى عدو ليك
يتبرى منك ما داير يشوفك ندمان علي اليوم اللماه فيك
اللحظة الكانت سبب الشقاوة.. من ساعة السيجارة ديك
لأنها كانت هي البداية .. القلت بتسعدك .. وتفرِق عليك
** ** ** ** **
خلاص نحن لِسة فيها.. أرجع وتوب .. ربك كريم بهديك
كلامي ده ما تاباه تب .. عارفاه هسي تقيل عليك
والمثل بقول خلي البضحككك ... واسمع كلام ببكيك
أصلي من غضبه خايف عليك .. ومُنايَ يرضى عليك
** ** ** ** ** **
لابد يجي يوم نهايتك .. وتموت .. واهلك يبكوا عليك
يشيلوك علي اكتافم ... لي بيتك .. الهناك مستنيك
يجهزوا الطوب والتراب .... ولي قبرك يحفروا ليك
وانت قِدامم ممدد لا مسكول .. ولا رسالة تجيك
وراك واقفين صفوف .. السارح ... والقلبو عليك
واحدين بالدنيا مشغولين .. وواحدين يدعو ليك
ويدخلوك بيتك ... وبالكواريق يكبوا التراب عليك
ويجوك الملكين .. بعد ما ينفخ الحق روحك فيك
يسألوك من ربك .. ودينك .. ومن الشفيع .. نبيك
عاد ولىّ ضااااق .. وضلّم عليك.. ولّى وسعوه ليك
أصلو إما روضةً باردة ... ولّى ناراً تشوي فيك
تقول أريتني رجعتَ لي الدنيا ... أصلِّح غلطاتي ديك
تراكَ لِسة في الدنيا ... وكل يوم بتصبح .. فرصة ليك
ما تكون مِكابر ويغشك اللعين .. أسمع نصيحتي ليك
عشان ربك يهديك وتنجى من عذابه ونبيك يشفع ليك
